ಬನ್ನಿ ಸ್ವಾಗತಿಸೋಣ ಹೊಸ ವರುಷವ
ಬಲು ಹರುಷದಿ ನವ ಉತ್ಸಾಹದಿ.
ಮರೆಯೋಣ ಹಿಂಸೆ ನೋವು ಇತ್ಯಾದಿ
ಸಾಗೋಣ ಮುಂದೆ ಮುಂದೆ ಧೃಢ ಸಂಕಲ್ಪದಿ.
ಆಗೋ ನೋಡಿ ಉದಯರವಿಯನೊಮ್ಮೆ!
ನಿನ್ನೆ ಇಲ್ಲೇನೂ ನೆಡೆದಿಲ್ಲವೆನ್ನುವವನಂತೆ
ಹಸಿರ ಸೆರೆಗಿನ ಮೇಲೆ
ಇಬ್ಬನಿ ಪರದೆಯ ಕವುಚಿ
ಬೆಚ್ಚಗೆ ನಿದ್ರಿಸುತ್ತಿರುವ
ತನ್ನ ನಲ್ಲೆಗೆ ನೆಚ್ಚನೆಯ
ಕಚಗುಳಿಯಿಟ್ಟು ರಮಿಸುತ್ತಿದ್ದಾನೆ!
ಇಬ್ಬನಿಯ ಪರದೆಗೋ ಮುತ್ತಿನ ಮಳೆಗರೆದಿದ್ದಾನೆ!
ಈ ರಸ ವಿಸ್ಮಯವ ಕಂಡ ಚಂದ್ರ
ನಸು ನಾಚಿ ಮರೆಗೆ ಸರಿಯುತ್ತಿದ್ದಾನೆ!
ಆ ಮಹಾ ಸಾಗರದ ಅಲೆಗಳೋ
ತಾವೆಂದೂ ಸುನಾಮಿಯಾಗಿರಲೇ ಇಲ್ಲವೆಂಬಂತೆ
ಭೂರಮೆಯ ಪಾದಗಳನ್ನು ಮೃದುವಾಗಿ ಚುಂಬಿಸಿ
ಜಲಕ್ರೀಡೆಗೆ ಕೂಗಿ ಕರೆಯುತ್ತಿವೆ!
ಇನ್ನು ನಮಗ್ಯಾಕೆ ಬೇಕು?
ಆ ಬೇಕಿಲ್ಲದ ನೋವು ಸಂಕಟಗಳ ನೆನಪು?
ಈ ಭೂಮಿ ಸೂರ್ಯ ಚಂದ್ರ ಸಾಗರಗಳಾರಿಗೂ
ಇಲ್ಲದ ನಿನ್ನೆಯ ಚಿಂತೆ ಕಂತೆಗಳು?!!
ಬನ್ನಿ ಸ್ವಾಗತಿಸೋಣ ಹೊಸ ವರುಷವ
ಬಲು ಹರುಷದಿ ನವ ಉತ್ಸಾಹದಿ.
ಮರೆಯೋಣ ಹಿಂಸೆ ನೋವು ಇತ್ಯಾದಿ
ಸಾಗೋಣ ಮುಂದೆ ಮುಂದೆ ಧೃಢ ಸಂಕಲ್ಪದಿ.
No comments:
Post a Comment